Psa 73 | PON | STEP | MELEL, Kot kompoke pan men Ijrael, irail me makelekel nan monion arail.

Psalms 73

1 MELEL, Kot kompoke pan men Ijrael, irail me makelekel nan monion arail.
2 Anai, ekij ta, a na i kat pan lodi, o I koren ion krijedi ni ai kakakawei.
3 Pwe I juedeki me aklapalap akan, ni ai kilaner en me japun akn ar pwaidar.
4 Pwe jota apwal kot lel on irail ni ar pan mela, re kin kelail o war arail wilar melel.
5 Jota ar apwal kot dueta aramaj tei kan, o re jota pan kalokolok dueta aramaj tei kan.
6 Ari aklapalap, iei kapwat en tapin wor arail, o arail likau, iei arail tiak weit.
7 Por en maj arail tikitik o jued kilar ar wilar, o re kin wiada, me re inon ion.
8 Re kin mamaleki meakaroj, o re kin lokelokaia me jued, o re kin lalaue o lokaia ni ar aklapalap.
9 Dene arail lokaia tapi jan nanlan, o me irail indinda, dene I eta me pun ni jappa.
10 I me aramaj akan lokididi on irail; o pil totoia re kin nimala.
11 Re kin inda: Iaduen, Kot pan kotin injenoki irail? O menda ren me aklapalap irail?
12 Kilan, iduen me doo jan Kot akan; irail meid pai nin jappa, o re pan kapwapwala.
13 Iaduen, likamata jota katopa ai kamakelekeladar monion i o kaminela pa i kat ni me pun?
14 Pwe ran karoj i pan kalokolok, o ni manjan karoj ai kamekam mia.
15 Koren ion i pil pan indinda dueta irail, a jo, pwe i de pan juedeki japwilim omui jeri kan karoj jan maj kokodo lel met.
16 I ap madamadaua duen mepukat, pwen dedeki, a i jota kak on.
17 NGai lao pedelon on mon mol en Kot jaraui o kilaner imwin mo doo jan Kot akan.
18 Melel kom kotin pwili kin irail edi waja likakerij; kom kotin kapup irail edi on nani pwel.
19 Iaduen arail madan joredier. Irail lokidokila, o imwila ’rail meid kamajapwek.
20 Main Ieowa, kom kin kotin kawela mom arail nan kanim o dueta auramen.
21 Ni ai madak nan monion i, o waiwairok nan ai mudilik kan,
22 I ap diaradar, menai ol pweipwei men, me jota aja meakot; dueta man amen mo omui.
23 Ari jo, i pan mimieta re omui kokolata, pwe komui kotin kolekol eta pa i pali maun.
24 Komui kin kalua ia duen kupur omui, o kom pan kotin kajamo ia nan linan omui.
25 Ma komui ta ai Kot, i jota pan anane meakot nanlan de jappa.
26 Ma pali war ai onen i pan dupokala, pil menda, pwe komui Main Kot kamait pa i o pwaij ai kokolata.
27 Pwe kom kotin mani irail, me muei jan komui pan lokidokila; Kom pan kotin kajapokela karoj, me wuki wei jan komui.
28 A iet ai peren, i en teneten on Kot, o i en kaporoporeki Kot leowa, pwen kalok jili omui wia wia kan karoj.